హ్యపీడేస్‌లో నేను టైసన్ బన్‌గయా జంటిల్‌మెన్.బయట మాత్రం రాహుల్. సొంతూరు నిజామాబాద్. పెరిగింది, చదివింది హైదరాబాద్ లో. అటు చదువు, ఇటు సినిమాలు రెండూ ఆసక్తే. ఇక్పాయ్ బిజినెస్ స్కూలు నుంచి బీబీఏ కోర్సు చేశాను. ఆ చదువు విజ్ఞానానికి. ఆపై నటనదారి దానిదే. శేఖర్ మాకు ఫ్యామిలీ ఫ్రెండ్.ఆయన సహకారం వల్లే నటుణ్ని కాగలిగాను. సినిమాలోలాగా నేను బయట మరీ కలుపుగోలు కాదు. చాలా రిజర్వుడు. ఫ్రెండ్స్ ఉన్నది కొందరే. కానీ వారే ప్రాణమిత్రులు. మరీ సన్నగా, స్లిమ్‌గా ఉంటాడన్న ఎద్దేవానే టైసన్ పేరు. కానీ అలా తయారయ్యేందుకు నేను రెండు నెలలు కష్టపడ్డాను. తొమ్మిది కెజీల బరువు తగ్గాను. నటనంటే పిచ్చి. టైసన్‌గా మస్తు చేశావంటు అమ్మాయిల నుంచి ఒకటే ఫోన్లు ఉబ్బితబ్బిబ్బవుతున్నా. ఇంతవరకూ నేనెవరికీ లైన్ వేయలేదు లెండి. పబ్‌లకు మాత్రం అప్పుడప్పుడు వెళుతుంటా. మా నాన్న బిజినెస్‌మ్యాన్. నన్నూ రమ్మంటున్నారు. కానీ మనసు ఊరుకుంటుందా? మూవీల మీదకే మళ్లుతోంది.
No comments:
Post a Comment