అందరికీ నమస్తే. నేనే అప్పూ. నా నటనకు ఎంత మంచి పేరొచ్చిందంటే గాయత్రీరావు అని ఇక ఎవరూ పిలవరేమో! నేను ఇటు సైడు రావాలని అనుకోలేదసలు. మా అమ్మ సినిమాలో చాలా కాలం నుంచి నటిస్తోంది. ఒకరోజు శేఖర్ గారు "నటనకు రెడీనా?" అనడిగారు. ఆయనతో కలిసి పని చేసే మంచి అవకాశం. నో అనలేక పోయాను. నా చదువంతా గర్ల్స్ కాలేజీలోనే. కానీ బయట ఫ్రెండ్స్‌తో చాలా సరదాగా ఉంటాను. ఎంకమ్మ టైపు పదాలు మామూలే. అప్పూలాగానే నేను కొంచెం అల్లరి, కొంచెం సీరియస్. చదువంటారా... మెహదీపట్నం సెంట్ ఆన్స్ కాలేజీలో ఇంటర్ పూర్తిచేశాను. కూచిపూడి నాట్యం, శాస్త్రీయ సంగీతంలో ప్రవేశముంది. నేను నాజూకే. పొడుగాటి జడ ఉండేది. అప్పూగా కనిపించడం కోసం లావయ్యాను. హిప్పీ చెయించాను. ఇక కాలేజీ సరదాలంటే... యు ఆర్ సో బ్యూటిఫుల్ గాయత్రీ అన్న అబ్బాయిలు చాలామందే.
No comments:
Post a Comment